မျက်စိတစ်ဖက်လပ်နေတဲ့ အမေ
ကျွန်တော့်အမေက မျက်စိတစ်ဖက်လပ်နေတဲ့ အမျိုးသမီးကြီးပါ။ ဒါကြောင့်ပဲ အမေ့ကို ကျွန်တော်မုန်းမိတာပေါ့။ အမေက ကျောင်းမှာ ဆရာ ဆရာမတွေနဲ့ ကျောင်းသူကျောင်းသားတွေကို ထမင်းဟင်းချက်ကြွေးရတဲ့ အလုပ်လုပ်ပါတယ်။ ဒီလိုနဲ့ တစ်နေ့မှာ ကျွန်တော်ရှိရာ စာသင်ခန်းဆီ အမေလာပြီး ကျွန်တော့်ကို ကြည့်တယ်လေ။ ကျွန်တော်အဆင်ပြေ မပြေသိချင်လို့ နေမှာပေါ့။ ဒါပေမဲ့ ကျွန်တော့်မှာဖြင့် ရှက်လိုက်တာဗျာ .... အမေမို့ ဒီလိုပုံစံနဲ့ လာကြည့်ရက်တယ်။ ကျွန်တော်ကတော့ အမေ့ကို အရေးမလုပ်ပါဘူး။ ပြီးတော့ အမေ့ကို မုန်းမုန်းတီးတီးကြည့်ပြီး ကျွန်တော် လှည့်ထွက်ခဲ့တာပေါ့။ နောက်နေ့ ကျောင်းစာသင်ခန်းထဲ ရောက်တော့ အတန်းဖော် သူငယ်ချင်းတစ်ယောက်ကပြောတယ် "ဟားဟား ..... သူ့အမေက မျက်လုံးတစ်ဖက်တည်း ရှိတယ်ကွ" ကျွန်တော်တော့ ရှက်လွန်းလို့ ကိုယ့်ကိုယ်သာ မြေမြုပ်သင်္ဂြိုလ်လိုက်ချင်တော့တယ်။ ပြီးတော့ အမေ့ကိုလည်း မရှိစေချင်တော့ဘူး။ အဲ့ဒီနေ့က အမေ့ကို ကျွန်တော်ရင်ဆိုင်တွေ့ပြီး ပြောပစ်လိုက်တယ် "အမေက ကျွန်တော့်ကို သူများတွေလှောင်ပြောင်ဟားတိုက်အောင် လုပ်နေတာပဲ၊ အမေ ဘာလို့ မသေသေးရတာလဲဗျာ ...." အမေကတော့ ဘာတစ်ခွန်းမှ ပြန်မပြောရှာပါဘူး။ ကျွန်တော်ကတော့ ကိုယ်ပ