ဂဏန်းတို့၏ လှည့်ကွက်ဆန်းများ(၁)
ကျွန်တော်ကိုးတန်းကျောင်းသားဘဝက အတန်းဖော်သူငယ်ချင်းယူလာတဲ့ စာအုပ်တစ်အုပ်ကနေ ထူးဆန်းတဲ့ ဂဏန်းတွက်နည်းလေးတစ်ခုကို ဖတ်မှတ်ခဲ့ရတယ်။ အဲ့ဒီဂဏန်းတွက်နည်းကို ရသေ့စိတ်ဖြေဗေဒင်လို့ စာအုပ်ထဲမှာ ဆိုထားတယ်။ ရသေ့တွေဟာ လူသူကင်းဝေးရာ တောတောင်တွေထဲမှာ တရားကျင့်ကြံနေထိုင်တဲ့အခါ စိတ်အာရုံမပျံ့လွင့်ရလေအောင် ဒီဂဏန်းတွက်နည်းလေးကို တွက်လေ့ရှိတယ်လို့ ဆိုထားတယ်။ တကယ်ဟုတ် မဟုတ်တော့ ကျွန်တော်လည်းမသိပါ။ ဒါပေမဲ့ ကျွန်တော့်အတွက်တော့ အဲ့ဒီဂဏန်းတွက်နည်းလေးဟာ ရသေ့စိတ်ဖြေဗေဒင်ကနေ ကျောင်းသားစိတ်ဖြေဗေဒင်အဖြစ် ကျောင်းတက်ရတဲ့ နေ့ရက်တွေမှာ သူငယ်ချင်းတွေနဲ့ အတူ စိတ်အပန်းဖြေစရာ ဂဏန်းတွက်နည်းလေးတစ်ခုဖြစ်လာခဲ့တယ်။ ဒီဂဏန်းတွက်နည်းလေးနဲ့ သင့်သူငယ်ချင်းရဲ့ အိမ်မှာရှိတဲ့ လူဦးရေ၊ သင့်သူငယ်ချင်းရဲ့ အသက်၊ မွေးရက်၊ မွေးလ စသဖြင့် သင်သိလိုရာကို သိခွင့်ရနိုင်စေမှာဖြစ်တယ်။ ဂဏန်းတွက်နည်းလို့ဆိုထားတဲ့အတွက် တွက်ချက်မှုကို သင်ကိုယ်တိုင်လုပ်စရာမလိုပါ၊ သင့်သူငယ်ချင်းကို တွက်ခိုင်းရမှာဖြစ်ပါတယ်၊ တွက်လို့ရလာတဲ့ အဖြေကို သင်ကကြည့်ပြီး သင့်သူငယ်ချင်းရဲ့ အသက်နဲ့ အိမ်မှာရှိတဲ့ လူဦးရေ စသည်တို့ကို ဒက်ထိမှန်အောင် ဟောစာတမ်းထုတ်ရမှာဖြစ်ပါတယ်။ ဥပမာ − ဆိုကြပါစ